mércores, 1 de agosto de 2012

Visita a Paradiña



Paradiña é unha aldea abandoada do concello de Monterrei, pertencente a parroquia de Rebordondo. Situada na unión do Río Rubín con dous dos seus afluentes, esta aldea quedou deshabitada a principios da década dos 90.
Hoxe en día, esta aldea, é un lugar esquecido para a maioría da xente da comarca, por iso dende este blog queremos facerlle  unha homenaxe a este pobo que nos seus días foi un paso obrigado para chegar a Limia e no que hoxe so pasa un camiño que pronto quedará cuberto de maleza.


Entrada a Paradiña dende Infesta

Paradiña pertenceu a parroquia de Vilaza ata o arranxo parroquial de 1893 onde pasou a formar parte da parroquia de Rebordondo

A maioría  das casas están construídas con material xistoso  e so nalgunhas portas podemos encontrar algunha pedra granítica 

Esta casa, situada a entrada da aldea por Infesta, é a máis grande da  aldea e a que mellor estado de consevación ten

Entrada a capela de San Pacio, único edificio relixioso que existía na aldea

Ponte que une Paradiña con Rebordondo

Como se pode apreciar, esta ponte de un so ollo e dunha factura bastante nova, de mediados do século XX aproximadamente

Fonte que se atopa xusto embaixo da ponte

No Dicionario xeográfico-estadístico-histórico de Pascual Madoz  de 1849, Paradiña aparece como: Parada da Serra, pertencente ó concello de Laza e a parroquia de Vilaza. Nela existían 5 casas habitadas e 20 veciños

Casa da María do Arangaño, unha curandeira que vivíu  en Paradiña e que curaba coa auga  dos ríos  que por alí pasan


 Só a capela conserva parte do tellado, o resto de casas , como se pode ver na fotografía, están nun estado ruinoso

Unha das rúas de Paradiña

Escaleiras que levaban a un colmear