domingo, 13 de outubro de 2013

Topónimos da comarca (II)

Volvemos de novo cun pequeno artigo sobre o significado dos nomes das aldeas da nosa comarca:
Castrelo do Val: Este topónimo provén da palabra latina “Castrum” máis o sufixo diminutivo “elo”. Este termo latino “Castrum”,  tan ben pode significar castro como calquera outro tipo de fortificación.
Marbán: Este parece ser un dos poucos topónimos de orixe árabe que se encontran na nosa comarca. Provén do nome propio Marwan, que posiblemente fose o posuidor desas terras
Gondulfes: A orixe deste topónimo e claramente xermánica. Segundo Dasairas este topónimo esta formado por dúas palabras, “Gond”  que significaría loita e “ulfes” que provén de wulfs e que significaría lobo.
Espiño: Este nome deriva do latín “Spinu”, que é un fitotopónimo que pode designar distintas especies botánicas.
Rubios: Este topónimo procede da palabra latina Rubeus” co significado de Vermello ou avermellado.

Rexosende: É outro dos exemplo de nome de aldea que temos na comarca cun claro orixe xermánico. A terminación “sende” esta claramente identificada como senda ou camiño, pero a primeira parte desta palabra xa non ten un significado tan claro, polo que, este topónimo tanto pode indicar unha senda tenebrosa como un camiño real.

3 comentarios:

Anónimo dixo...

moi boa entrada

noemi dixo...

Hola son a bisneta de German Dacal unha persoa que viviu en Infesta e segun as historias da familia unha persoa importante e moi querida na comarca gustariame saber algo mais e xa que vexo que che gusta investigar sobre a tua comarca agradeceriache que me puideses contar algo mais sobre o meu bisavo. Tivo 9 fillos e casou duas veces eu son neta dun dos seus fillos mais novos que tamen se chamaba German eera da segunda muller chamada Matilde. Moitas grazas

Andrés Diz dixo...

Noemi, vou investigar haber si encontro algo. si podes ponte en contacto con migo polo facebook ou twitter